Ding Capagnasan Ning Santo Papa Para Caring Bulan Ning Banuang 2022

DING CAPAGNASAN NING SANTO PAPA PARA CARING BULAN NING BANUANG 2022

ENERO: PARA KING TUNE RANG PAMICACAPATAD DING TAU

Ipanalangin ta la ring sablang magcacasakit pauli ning pangapacarine ampon pangayalipit king casalpantayanan; makilala la sa' ring carelang matulid ampon dangalan, a magmula king pamicacapatad anting metung a familia ning ketauan.

FEBRERO: PARA CARING CAPATAD TAMUNG BABAING RELIGIOSA AMPON MENGATAGULALING

Ipanalangin ta la ring capatad tamung babaing religiosa ampon mengatagulaling; pasalamat carela king pangatuburan ra't sicanan; isundu ra sanang manintun pang bayung makibat caring cayalbulan ning kecatamung capanaunan.

MARSO: PARA KING CRISTIANONG PAKIBAT CARING ALBUL KING CASADDIAN DING TAU

Ipanalangin ta la ring Cristianos a mamarap caring bayung albul king casaddian ding tau; isundu ra sanang ipaglualu ing dangalan ning meto ketauan capamilatan ning panalangin ampon pangimut.

ABRIL: PARA CARING LILINGUN AMPON LILINGAP ALANG-ALANG KING ICACAYAP A PAMICACATAUAN

Ipanalangin ta la ring lilingap king icacayap a pamicacatauan, a susuyu caring salunan ampon caring mangatua, lacuas na caring peca-calulung bangsa; mantinian do sanang panuliran ring casidduan ampon basal a comunidad.

MAYO: PARA CARING CAYANACANG MICAPNUAN KING CASALPANTAYANAN

Ipanalangin ta la ring cayanacan, a meaus munie king cagnapan ning bie; akit ra sa' king bie ning Nuan a Virgen Maria ing daclat king pamakiramdam, king lelaman ning pamanaruc, king sicanan a babie ning casalpantayanan, ampon king pamagtagulaling sumuyu.

JUNIO: PARA CARING FAMILIA

Ipanalangin ta la ring familiang Cristiano a macalaganap king meto yatu; apangatauanan ra sa't apilasa ing alang pasubaling lugud ampon paniulung king cabanalan king pamibie-bie ra aldo-aldo.

JULIO: PARA CARING MANGATUA

Ipanalangin ta la ring mangatua, a manalacaran anting yamut ra't capigaganacan ding tau; mananu na sanang ing delanan ra't cabiasnan yang sumaup caring cayanacan ban lumaue king paintungulan cambe ning capanayan ampon catatalacaran.

AGOSTO: PARA CARING MALATING NEGOCIO

Ipanalangin ta la ring mangalati ampon mangatamac a negocio; busal ning ambang king panakitan ampon pamakirungut, manakit la sanang paralan macasundu ampon sumuyu caring carélang comunidad.

SEPTIEMBRE: PARA KING PANGAYAMPAT NING CAPARUSAN A CAMATAYAN

Ipanalangin tamung ing caparusang camarayan, a manasdap king dangalan ning tau, mayampat ya caring sibabangsa.

OCTUBRE: PARA KING METUNG A CAPULUNGANG MACAPALAD CARING SABLANG TAU

Ipanalangin taya ing Capulungan a capilan mang tapat ampon masigasig king pamanaral king Máyap a Balíta, mananu na sanang ing Capulungan maliari yang comunidad ning pamisasanmetung, pamicacapatad, ampon pangapalad, a capilan mang mabibie king bili ning pamagmasabal.

NOVIEMBRE: PARA CARING ANAC A MAMAGCACASAKIT

Ipanalangin ta la ring anac a mamagcacasakit, lavuas na retang alang cabale-bale, meulila, ampon isdapan ning labanan; mibitasan la sanang macapagaral ampon macapaliaring pilasan ing lugud king metung a familia.

DICIEMBRE: PARA CARING MASAP LUB AMPON E PAPANAKITANG AGUMAN

Ipanalangin ta la ring masap lub ampon e papanakitang aguman a macatantu king icasulung ning tau; atupan ro sana ring taung macatagulaling makibat king caministilan ampon alang patnang mandulap caring bayung gasgas ning pamisasanmetung king meto yatu.