Octubri: Bulan ning Santo Rosario

BULAN NING OCTUBRE | BULANG PACATAGULALING KING CASANTU-SATUSAN NANG ROSARIO NING NUAN A VIRGEN MARIA

MACUYAD A CASALESAYAN: 

Ing Bulan ning Octubre pacatagulaling ya king Santisimo Rosario. Agpang king metung nang sinulat ning metung a Dominicano canitang Calabing Limang Siglo, i Alan de la Roque, pepatilip ya ing Virgen Maria cang Santo Domingo canitang banuang Labing Aduang libu't Anam caibat nang manalangin ampon binang papaisakit king kealang paniulung king pamakibaca king aria ding Albijinese. Pigayan ne ning Virgen Maria king masigasig nang pamakilaban caring mapanaria saca ne dinuang kea ing Rosario anting masicanang sandata, layun tiru na nung macananu yang gagamitan at nung nanung apanabang na, sibianan ne mu naman king ipanaral n'ya naman iti caring aliua.

Uli na ning ding panalangin king Rosario menibat la caring mangaulang pangulu — ibat mismu king kecatamung Guinu, ibat king agiag ning Casulatan, ampon ibat kinh Banal a Capulungan — e macapangasdan king ing Rosario asne cacamal king Nuan a Indu ampon asne casicanan carin banua.

Nung pagmasabalan taya upaya ing Rosario a mayayakit caring keang panabang, manakit tamung maragul a casaplalan caring patutu ning macapagmulala nang ulaga. Dacal la ring capagnasang mipayabut caring balang tau capamilatan ning tapat a pamangadi: dimut no man ding tapat a mangadi king Rosario a e macapatutu king pamipilasa king keang upaya caring sara-sarili rang bie. 

Nung lingun tamu king casalesayan, akit ta la ring micacaracal nang maragul a tagumpe ning Rosario. Ing Maluat nang Tradicion lalapit ne king Rosario ing pangasambut ding Albijineses king Labanan carin Muret canitang banuang Labing Aduang libu't Labing Atlu.

Dápot pati na ring payali keting tradicion asabi rang king i San Pio Calima ing pacasuglung king maragul dang pangasambut ding Turcos king Mumuna nang Sabado ning Octubre, banuang Labing Limang libu't Pitung pulu't Metung, king catutuanang casabe na nita ring cofradias ning Rosario carin Roma at nu man carin king carelang pamaglimbun. Cayagpangan keti, inutus nang micayatin capigaganacan king Rosario king mismung aldo ita.

Aduang aldo ing milabas, peintulutan nang Papa Gregorio Caualu ing pamagmasusi king metung a cafiestan ning Rosario a makipisambang pacatagulaling king Rosario. Canitang banuang Labing Anam a libu't Pitung pulu't Metung, leganap neng Papa Clemente Capulu ing cafiestan king meto España. Ing caduang maragul a tagumpe caring Turcos, a capara ding Ruso, minligalig king casiran ding pacasautang Cristianis, iti naman mepaliari king Calima ya inh Agosto, banuang Labing Pitung libu't Labing Anam, iniang simbut nong Principe Eugenio carin Peterwardein ning Hungaria. Carin na na pin pelaganap Papa Clemente Calabing Metung ing cafiestan ning Santo Rosario king Meto Banal a Capulungan.

Ngeni, king caligaligang lacuas masicanan caring minunang Trucos e mu ing Cristianidad ing maliligalig nune pati ring sablang carinan, inia agiagan naca tamu ning Nuan tamung Indung lingus pasibayu king Rosario ban dalum casaupan. Nung dacal lang taung darapat keti, at king casabe na niti ing capamintuan caring cóndiciónes a keang linagac, micayatin tamung  mas maragul a casalpantayanan king micabius tamu ibat caring sablang caligaligan.

PANALANGIN NANG SAN LUIS MONTEFORTE

O Jesus cung mabibie cang Maria, datangan mong sautanan ding kécang talasuyu, king espiritu ning kecang cabanalan, king caganapan ning kecang sicanan, king caganapan ding kecang caparalanan, king catutuan ding kécang cayapan, cagum ding kecang misterios. Saulan mo ring sablang macaligalig a upaya, ing demonio, ing labuad ampon ing laman, king capamilatan ding sicanan ning kecang Espiritu, king icaligaya ning kecang Ibpa. Yanasa.

Casantu-satusang Virgen Maria:

INDU NING SANTÍSIMO ROSARIO:

Ipanalangin mu cami!