Los Santos Angeles Custodio

Octubri 02, 2021- Capagmasusian ning Capigaganacan ning Los Santos Angeles Custodio. Ding Talaingat tamung Angel. Patron Titular ning Lacanbalen ning Angeles.

Ing lagiu ning Lacanbalen ning Ángeles menibatan ya king buo nang lagiu king amanung Español a "El Pueblo de los Ángeles" ( Ing Balen da ring Angeles) anting carangalan king carelang patulunan ing " Los Santos Ángeles Custodios " at king lagiu ning Fundador ning Balen, y Don Ángel Pantaleón de Miranda bilang capigaganacan.

Ing imagen ning San Angelo Custodio minuna yang meyakit canitang banuang 1830 king limbun king Pisamban Maragul, cayantabe ing Nuestra Señora del Santisimo Rosario de La Naval de Angeles, Mater Dolorosa at Virgen de Soledad.

PANALANGIN KING SAN ANGELO CUSTODIO

O Pecamatapat a cayantabe, a pinili ning Guinu ban maging canacung talaingat, cacung talapanlualu, at talapagtanggul, a e mamaco king canacung siping, macananu da cang apasalamatan king kecang catapatan ampon lugud, at caring sablang casaupan mu a e mu pigcait canacu? Ica ing magbante busal cu patse atiu king malalam a pamanudtud; ica ing magpatula canacu patse atiu king calungcutan; ica ing magtas canacu patse atiu cu king lalam; papatucnangan mu ing panganib a magbadiang miras cacu; ica ing magbabala cacu caring maganap; ica ing  milalaco king cacung casalanan at dadala mu cu king cayapan.

(Sabian taya ing kecatamung sariling capagnasan at ipangadi ing metung a Ibpa Mi, metung a Bapu Maria at metung Gloria)

Los Angeles Custodio

Ding kecatamung Talaingat a Angel. 

Ing Patron Titular ning Lacanbalen ning Angeles.

¡Antabayanan Mu Cami!
¡Ypanalangin Mu Cami!
¡Ora Pro Nobis!
¡Ruega Por Nosotros!

VIVA LOS ANGELES CUSTODIO!!
LAUS DEO SEMPER