Nuestra Señora de Peñafrancia de Naga

Domingo • Septiembre 18, 2021

Cafiestan ning Nuestra Señora de Peñafrancia. 

Patulunan da ring Ciudad ning Naga at Region ning Bicol

PANALÁNGIN KING INDÛ NING PEÑAFRÁNCIA

Língus ca sánang mipnûng yúmu canácu, Ó lúsuc mapalsintang Virgén ning Peñafráncia, láyun calunúsan mu ya sána iting caladuâng dárálo kéca king mipnûng capanisian.

Cambilan mu ya sána ing canácung familia, ring cacung camagánac, ding cacálugúran cu't talasáup. Ipamílatan mu lá naman sána ring málsinta kéca, párang ding mabié ampon meángu bié, lacuas na rétang pácayára king cánacung casaupan.

Ipanalángin mu cu, pasngauan mu cu't iligtas: king penándit ning caligaligan, king casakítan ampon pámagcácasákit, at migit caring sablâ: king penándit ning canácung camatáyan, bán cung macayarap king Divíno mung Anac cambé ning casaupan mu't cambílan.

Sabian mu kéa qng málsintá cu kéca, bán king lubus cung pámanálig king kécang caingátan, sisiclaud cu piárapán na ning palpimalá mung laráuan, bán cung máuad king masícanan mung pámamílatan. 

(Sabian taya ing kecatamung sariling capagnasan at ipangadi ing metung Ibpa mi, metung Bapu Maria, metung Gloria)

O Virgén ning Peñafráncia, ipanalángin mu cu, saupan mu cu, pasngauan mu cu't icabus caring sablâng maróc. Yanásâ.

Daralung mi keca a ibulung mu cang Jesus a kecang cacaulan ing ipagcalub na kecami ing cayang alang anggang gracia

Vexel Art credits to Klaine Lester Ceraos Yabut of Holy Art