Ing Pamangilala King 15 Jueves A Devocion Anting Parangal Cang Santa Rita De Cascia

Ing Pamangilala King 15 Jueves A Devocion Anting Parangal Cang Santa Rita De Cascia

Ding devociones caring tuki-tuking Labing Limang Jueves cang Santa Rita ning Cascia migmula ya king camatutuanang dela neng Santa Rita ing metung caring sucsuc nang Cristo king keang canuan kilub ding labing limang banua a keang tinggap ibat cang Jesus a Mipacu king Cruz canitang Jueves Santo, caibat neng deluman i Jesus ban neng irake kea ing pamailasa ning Guinu a tinggap na para kecatamu. 

Iti ya ing sangcat mung bakit ing Jueves ing miapactan king pamagdevocion cang Santa Rita. Caniting tradicional a contexto, dacal lang dinalum king pamamilatan nang Santa Rita neng pibabatan do ring carelang cruz ampon balakid, at masigasig lang magdulap king keang casaupan ban nong iampang king Dios ding carelang panalangin.

Mayayakit king lagiu nang Santa Rita ing malabung a devocion ibat caring dacal a taung migtagulaling caniting Patulunan king E Sucat Mapaliari para king keang pamamilatan arapan ning Dios. 

Meco keni at abayan yu ke king pamangadi king Coronilia ampon caring mapilang panalanging pamagdevocion cabang parangalan taya ampon pasalamatan ing lugud na't catapatan ning Dios capamilatan ning talasuyu nang i Santa Rita:

ING JIYAS A PERLAS NING CASCIA:

ING DEVOCIONARIONG PARANGAL CANG SANTA RITA NING CASCIA

Capampangang  Catipunan ding  Panalangin  ampon  Devocion cang  Santa  Rita  ning  Cascia 

Kepampanganan  na't  sidiang: 

CIRILO SOCORRO: SALE NING CAPASNGAUAN 

King  saup  at patnube ning: 

SUÁNDALÍS at ning

DAGÍSPISAMBAN KAPAMPÁNGAN