Ing Coroniliang Parangal Cang Santa Rita De Cascia

ING CORONILIANG PARANGAL CANG SANTA RITA DE CASCIA

PAMAGMULA 

V. O Dios, ume ca ✠ at saupan mu cu. 

R. O Guinu, mamirapal ca king pamaniaup mu.  

V. Ligaya king Ibpa, ampon king Anac, ampon king Banal a Espiritu. 

R. Antimo ing sadia rang ligaya: ibat king camumulan ngeni ampon mangga man king alang angga. Amen.  

IBPA MI  (King Cruz)

V. Ibpa mi, a atiu banua, misamban ya ing lagiu mu, datang kecami ing cayarian mu, mipamintuan ing lub mu keti sulip anti banua.   

R. Ing cacanan mi king aldo-aldo ibie mu kecami king aldo ngeni: ampon ipatauad mu kecami ring sala mi keca, anti ing pamamatauad mi caring micasala kecami; manga e mu cami ipaisaul king tucsu, nune icabus mu cami king maroc.  

VERSO  (King Medalia)

V. O Santa Rita ning Cascia. 

R. Ituru mu cami sanang lugud. 

PAMANGILALA 

Ing  balang  cabanalan  misapuac  ya  ibat  caring  uacat  ning  lugud  iya  na  itang maragul  nang  cautusan  ning  aral  nang  Cristo.  Ing  casalpantayanan  nang Santa Rita  menibatan  ya  king  banal  a  ibpang  San  Agustin,  a tinuntun  king dalan  ning bie,  parang  tau  ampon  caladua,  king  dalan  ning  paniulung  king  lugud.  Ing paniulung  king  lugud  iyang  miliari  nang  tutuntunan  ning  caladua  nang  Santa Rita.  Ume tamu caring p auaga  ding  balang  panalangin,  yayauad  king  casaupan ning  Banal  a  mesambitla  king  tairan  naca  tamung  sumulung  king  caparang tintunan  nang  lugud. 

ING MUMUNA NA NG MISTERIO NING LUGUD: ING LUGUD NANG SANTA RITA KING GUINU 

(King Mumunang Guintung Butil)

Mibait  ya I  Santa  Rita  king  metung  a  familia  ning  maragul  a  casalpantayanan, a  miyayanad  keang  iuna  ya ing  Guinu  king  sablang  cararaptan.  Aduan  tamu cang  Santa  Rita  ing  iuna  tayang  parati  ing  Guinu. 

(Manalangin tamu saguli  king catajimican,  at  caibat  panga dian taya ing  metung a  Ibpa  Mi, Bapu  Maria, ampon Ligaya king Ibpa.) 

VERSO 

V. O Santa  Rita  ning  Cascia. 

R. Ituru  mu  cami  sanang  lugud. 

(Isundu tamu ing pamangadi  caring Apulung  Bapu  Maria caring  macatuking  Pilac a  Butil.)

 ING CADUA NANG MISTERIO NING LUGUD: ING LUGUD NANG SANTA RITA KING KEANG FAMILIA 

(King Caduang Guintung Butil)

Ing  mumunang  biling  sucat  tamung  sulungan  king  lugud,  iya  ing  kecatamung familia,  iti  ya mu  ing  bucud  ampon  matibeng  atin  tamu.  Caluguran  neng  Santa Rita ing  keang  familia,  ing  asaua  na  ampon  ding  adua  nang  pacamalang  anac. Aduan  tamu  cang  Santa  Rita  ing  pasicnangan  na  ing  lugud  tamu  caring cayantabe  tamu  king  bie  a  pigcalub  na  kecatamu  ning  Guinu. 

(Manalangin tamu saguli  king catajimican,  at  caibat  panga dian taya ing  metung a  Ibpa  Mi, Bapu  Maria, ampon Ligaya king Ibpa.)

VERSO 

V. O Santa  Rita  ning  Cascia. 

R. Ituru  mu  cami  sanang  lugud. 

(Isundu tamu ing pamangadi  caring Apulung  Bapu  Maria caring  macatuking  Pilac a  Butil.)

ING CATLU NANG MISTERIO NING LUGUD: ING LUGUD NANG SANTA RITA CARING AMBAL NING BIE 

(King Catlung Guintung Butil )

Tune  yang  masakit  ing  bie  para  caring  balang  metung  kecatamu.  Ding  ambal king  bie  dinatang  la  mu  nang  delanan  nang  Santa  Rita,  ambal  ning  lasa, pamisasalangsang,  pangatacuil  king  keang  asaua,  maranung  pangamate  ding keang  anac,  pamisagsagan  ding  keang  catuangang  meuli  king  pamiablasanan. Dapot  e  ya  micacunung  lugud  ampon  manalig.  Aduan  tamu  king  Dios  king pamamilatan  nang  Santa  Rita  king  parating mica  sicanan  tamung  lub  king calingapan  ning  Dios  ampon  ban  e  maligalig  caring  penandit  ning cayambalan

(Manalangin tamu saguli  king catajimican,  at  caibat  panga dian taya ing  metung a  Ibpa  Mi, Bapu  Maria, ampon Ligaya king Ibpa.)

VERSO 

V. O Santa  Rita  ning  Cascia. 

R. Ituru  mu  cami  sanang  lugud. 

(Isundu tamu ing pamangadi  caring Apulung  Bapu  Maria caring  macatuking  Pilac a  Butil.)

ING CAPAT NANG MISTERIO NING LUGUD: ING LUGUD NANG SANTA RITA A PEPALIARI KEANG MAMATAUAD 

(King Capat a Guintung Butil)

Ing  capatauaran  ya ing  pecapuc  ning  lugud:  bucud  mung  ding  biasang  lulugud ding  macapamatauad.  Balu  nang  Santa  Rita  ing  pamamatauad  caring mecaligalig  king  keang  familia,  malinong  uli  ning keang  lugud.  Aduan  tamu king  Guinu  ing  sicanang  maliaring  lugud  ampon  pamamatauad  ing  mag kecatamu. 

(Manalangin tamu saguli  king catajimican,  at  caibat  panga dian taya ing  metung a  Ibpa  Mi, Bapu  Maria, ampon Ligaya king Ibpa.)

VERSO 

V. O Santa  Rita  ning  Cascia. 

R. Ituru  mu  cami  sanang  lugud. 

(Isundu tamu ing pamangadi  caring Apulung  Bapu  Maria caring  macatuking  Pilac a  Butil.)

ING CALIMA NANG MISTERIO NING LUGUD: ING LUGUD NANG SANTA KING CAPAGLARINAN AT RITA CAPAYAPAN 

(King Calimang Guintung Butil)

Ala  yang  ulaga  o  caganapan  ing  capatauaran  nung  e  tamu  managumpe  king capaglarinang  lugud  king  metung  at  metung  king  pamicacaluguran  ampon pamicacapatad.  Sinalpantaya  ya  i Santa  Rita  king  Amanu  ning  Guinu,  at  king catataulian  seulan  ne  ning  lugud  ing  pamicasama.  Aduan  tamung  saupan  naca tamung  Santa  Ritang  mamalangcas  king  paum  ampon  capaglarinan  king kecatamung  picacasautan. 

(Manalangin tamu saguli  king catajimican,  at  caibat  panga dian taya ing  metung a  Ibpa  Mi, Bapu  Maria, ampon Ligaya king Ibpa.)

VERSO 

V. O Santa  Rita  ning  Cascia. 

R. Ituru  mu  cami  sanang  lugud. 

(Isundu tamu ing pamangadi  caring Apulung  Bapu  Maria caring  macatuking  Pilac a  Butil.)

ING CANAM NANG MISTERIO NING LUGUD: RITA ING LUGUD NANG SANTA KING PAMIDAUN NANG BIE AMPON CARING KEANG CAPATAD A MIDALA KEA KING DIOS 

(King Canam a Guintung Butil)

King  pangabalu  na  ampon  panga  kematayan  nang  anac  Santa  Rita,  king  Catlu nang  pulung banua,  sasalpantayanan  nang  aganap  ne  ing  keang  bie  king casuyuan  king  lugud.  Caniting  casangcanan,  tegulaling  ne  ing  keang  sarili  king Guinu  king  Pamagmadre  king  Orden  Agustino,  layun  nang  sinundu  ing mirapat dapat  lugud  caring  pacacalulu,  caring  mangaila ngan,  ampon  caring familia.  Saupan  naca  tamu  sanang  lubus  a  talastas  Santa  Rita  ampon  lubus makibat  caring  mangailangan  king  lugud  ning  Dios. 

(Manalangin tamu saguli  king catajimican,  at  caibat  panga dian taya ing  metung a  Ibpa  Mi, Bapu  Maria, ampon Ligaya king Ibpa.)

VERSO 

V. O Santa  Rita  ning  Cascia. 

R. Ituru  mu  cami  sanang  lugud. 

(Isundu tamu ing pamangadi  caring Apulung  Bapu  Maria caring  macatuking  Pilac a  Butil.)

ING CAPITU NANG MISTERIO NING LUGUD: ING LUGUD NANG SANTA CANG RITA CRISTONG MIPACU KING CRUZ 

(King Capitung Guintung Butil)

I  Santa  Rita,  king  pangalulan  nang  lugud,  iniauad  na  king  Guinu  ing  makirake king  pamailasa  na.  At  tiningid  ne  ning  Guinu  iting  keang  capagnasan,  layun pigcalam  ne caya  ing sugat  king canuan,  a pibaba ta  nang Santa Rita king labing limang  banua  ning pamibiebie  na  keti  sulip.  Aduan  tamu  cang  Santa Rita king ing  lugud  iya nang  manibala  king  kecatamung  bie. 

(Manalangin tamu saguli  king catajimican,  at  caibat  panga dian taya ing  metung a  Ibpa  Mi, Bapu  Maria, ampon Ligaya king Ibpa.)

VERSO 

V. O Santa  Rita  ning  Cascia. 

R. Ituru  mu  cami  sanang  lugud. 

(Isundu tamu ing pamangadi  caring Apulung  Bapu  Maria caring  macatuking  Pilac a  Butil.)

PAMAMUPUS

ING LITANIA CANG SANTA RITA NING CASCIA  

V. Guinu, pacaluluan mu cami.                         

R. Guinu, pacaluluan mu cami. 

V. Cristo, pacaluluan mu cami.                        

R. Cristo, pacaluluan mu cami. 

V. Guinu, pacaluluan mu cami.                         

R. Guinu, pacaluluan mu cami.  

V. Cristo, pakiramdaman mu cami.      

R. Cristo, paca pakiramdaman mu cami.  

V. Dios Ibpa, Miglalang king yatu.                    

R. Pacaluluan mu cami. 

V. Dios Anac, Miniaclung ning yatu.                 

R. Pacaluluan mu cami. 

V. Dios Espiritu Santo, Talataid king yatu.       

R. Pacaluluan mu cami.  

V. Cabanal-banalang Trinidad, metung a Dios.

R. Pacaluluan mu cami.  

V. Banal a Maria, Indu ning Dios.                      

R. Ipanalangin mu cami. 

V. Indu ning Capasngauan.                               

R. Ipanalangin mu cami. 

V. Indu ning Masampat a Usuc.                        

R. Ipanalangin mu cami. 

V. Indu ning Gracia.                                            

R. Ipanalangin mu cami. 

V. Indu ning Casaupan.                                     

R. Ipanalangin mu cami.  

V. Banal a Ibpang San Agustin.                        

R. Ipanalangin mu cami. 

V. Banal a Indung Santa Monica.                     

R. Ipanalangin mu cami. 

V. Patulunan ming Santa Rita.                          

R. Ipanalangin mu cami.  

V. Santa Rita,  Esposa nang Cristong Mipacu king Cruz.                       

R. Ipanalangin mu cami. 

V. Santa Rita, Malambis a Esposa.                  

R. Ipanalangin mu cami. 

V. Santa Rita, Malingap a Indu.                         

R. Ipanalangin mu cami. 

V. Santa Rita, Malugud a Mebalu.                    

R. Ipanalangin mu cami. 

V. Santa Rita, Uliran king capatauaran at paum.           

R. Ipanalangin mu cami. 

V. Santa Rita,  Maligayang Madre ning Orden Agustino.                        

R. Ipanalangin mu cami. 

ING JIYAS A PERLAS NING CASCIA:

ING DEVOCIONARIONG PARANGAL CANG SANTA RITA NING CASCIA

Capampangang  Catipunan ding  Panalangin  ampon  Devocion cang  Santa  Rita  ning  Cascia 

Kepampanganan  na't  sidiang: 

CIRILO SOCORRO: SALE NING CAPASNGAUAN 

King  saup  at patnube ning: 

SUÁNDALÍS at ning

DAGÍSPISAMBAN KAPAMPÁNGAN