Solemnidad ning Pangasubling Mebie ning Guinu tamung JesuCristo.

Domingo • Abril 04, 2021 - Capagmasuian ning Solemnidad ning Pangasubling Mebie ning Guinu tamung JesuCristo. 

“MÁYAP A PASCUNG PÁNGASUBLÎNG MÉBIE NING DIOS PÛ!”

Mananu na sanang maging sulu ya ing balang metung a munye sala caretang atiyu qng caralumduman ing pangasubling mebie nang JesuCristong, talapangabus.

 Y Cristo sinubli iang mebie! Sinubli ya pin mebie Alleluia! Alleluia!

PANALANGIN CANG CRISTONG MIPASUBLIAN MIE

O Mayupayang Ibpa

ampon Dios a mapamacalulu,

e mi ne pa pu panintunan 

i Jesus busal ding mengamate,

pablasang sinubli ne pung mebie

at miliari ne pung Guinu ning Bie.

Ibat king danum ning camatayan

binangun yu ke pu cambe na

layun babayu me pu

ing calam ning bie kecami.

Ikintal yu sa' pu caring ucul mi't pusu

ing bayung bie a pakiracayanan mi

cang Cristong Guinu

at saupan mu ke sa' pung sumulung

anting kecayu pung balayan

painturu king caganapan na pu

ning bie alang angga cambe yu.

Iti ya pu ing aduan mi king lagiu 

na pung Cristong Guinu mi.

Yanasa.

Guinu ming Jesus,

Maligaya't Mipasublian Mie,

- Pacaluluan mu cami!

(Ing mesambitlang panalangin maliari yang gamitan kecaban ning Panaun ning Pangasubling Mebie.)

  

Reference about old Kapampangan greetings courtesy of Mike Pangilinan

PASCÚNG MÁYAP NING DISPÛ KECATAMUNGAN. 

Abril  04, 2021

Binaldug na king Amanung Sisuan

Cirilio Socorro: Sale ning Capasngauan

Ning Barrio Laug, Balen ning Mexico

Para king aguman ning 

DagísPisamban Kapampángan a

📸©John Andrew M. Ocampo

Fotografía SuánDalís

DagísPisambánKapampángan