Ing Bana a Pasbul Ning Jubileo

ING BANAL A PASBUL NING JUBILEO

"Ing Banua ning Guinu" - Iti ya ing panayan ning Israelitas king malambat a panaun. Bakit re iti panayan? Nanu mo cayang apala ra keti? 

Ing sangcan ning pamanaya ra keti ya ing pangapabal ning CAPATAUARAN, CATIMAUAN, TULA ampon CAPAYAPAN. Iti ya ing Aldo ning Catalaruan ning Guinu, nung nu ibie na ing carampatang ablas caring malda.

Ngeni, anti ing cang Cristo miganap ing sablang ula ampon tuntunan, mipabal ne ing Capatauaran king pangamate na king Cruz, mipabal ne ing Catimauan iniang asaul ne ing camatayan, mipabal ne ing Tula iniang mipasublian yang mebie, ampon ung Capayapan iniang itubud naca tamu ban ipasiag ya ing Mayap a Balita.

Nanupa'ta, ing Guinung JesuCristo na mismu ing pepabal caniti, iniang binasa ne ing metung a dake ning Libru nang Profeta Isaias, king Aldo Sabbath carin Nazaret. Ngana, "miganap na ing sabla king pamakiramdam yu".

Mituburan ya i Cristo e mu ban itimaua la ring pacasucul, nune pati na ring meyalipan king casalanan. Mepili ya e mu ban munie camasalan king panimanman ding bulag, nune pati ring manaya king keang paniatang a alang male.

Itamung Cristianos ngeni keti Filipinas, pagmasusian taya ing Calima nang Dalang Banuang Anniversario ning Cristianismo keti king kecatamung bansa. Mipabal ing Indulgencia ngening banua, ing ganap rang pangabating ding casalanan. Mitalaga la ring Pisamban ning Jubileo, nung nu ya maliaring camtan ing Indulgencia. At mibuclat la ring Banal a Pasbul...

Iti ya ing buri nang pansinan ngeni ning kecong talasuyu, nanu ya mo ing Banal a Pasbul? Agpang king casalesayan meangu ya iti king simbitlan nang Cristo king "Acu ing dalan painturu king Ibpa, alang macapunta kea nune capamilatan cu mu." King malaguang salita, ing Banal a Pasbul paganaca ne i Cristo ing Pasbul ning Banua, balang lulub tamu careti paganaca na king pacabilang tamu king macamal nang cauan ning Guinu.

Antimurin, caniting banua telaga na ne ning Banal a Papa ing mamastul king Capulungan carin Menila, ing Keang Carangalan Jose Fuerte, Cardinal Advincula Jr. King lagiu ning mabilug a Aguman, ampon ning Arquidiocesis keti Capampangan, babie mi ing mayap a oras king Arquidiocesis carin Menila.

ING FORMA NING BENDICION PARA KING 

"URBI ET ORBI" KING AMANUNG CAPAMPANGAN

Ing macatuki ya ing bendicion a gagamitan ning Banal a Papa carin Roma neng Pascung Pangabait ampon Pascung Pangasubling Mebie.

Caring sablang makiramdam canacu, babie cu ing mayap a pamamuge (caring dacal a amanung misasalita) :

(King Capampangan): 

Pascung Pangasubling Mebie ning Dispu!

Ing keyang Cabanalan, i Papa N. mipabal yang indulgencia plenaria king paralan a sidia ning Capulungan para caring sablang makatagun keti at caring sablang tanggap king keyang bendicion king capamilatan ning radio, televicion at ding bayung media king pamakitalamitan.

Aduan tamu king lubus mayupayang Dios ing ipagcalam na ing dacal a banuang pamanibala ning Papa king Banal a Capulungan at ing pamisanmetung ning Iglesia king mabilug a yatu.

---------- ooOoo ------ ooOoo ------ ooOoo ------ ooOoo ----------

Ipamilatan daca tamu sana king Guinu di Apostol San Pedro at San Pablo, a panaligan tamu king carelang upaya ampon tungculan. Amen.

King panalangin ampon meritu  ning Nuan a Mariang capilan man Virgen, San Miguel Arcangel, San Juan Talapaminiag, di Apostol San Pedro at San Pablo,

ampon ding sablang banal, pacaluluan na cayu sana ning lubus Mayupayang Dios at king pangapatauad da ring casalanan yu, idala na cayu sanang JesuCristo king bie alang angga. Amen.

Patauaran na cayu sana ning lubus mayupaya ampon mapamacalulung Dios, pagkaluban metung a mabunga ampon tune capaniasian, metung a mayap a pusu, pamagbayung bie, gracia ampon pamaningat ning Banal a Espiritu, at pamanatili caring mangayap a dapat. Amen.

At ing bendicion Dios a lubus mayupaya,ing Ibpa, ampon ing Anac ampon ing Banal a Espiritu, tipa ya sana at mantabe kecayu manga man king alang angga. Amen.

---------- ooOoo ------ ooOoo ------ ooOoo ------ ooOoo ----------

Abril 04, 2021

Binaldug na king Amanung Sisuan

Cirilio Socorro: Sale ning Capasngauan

Ning Barrio Laug, Balen ning Mexico

Para king aguman ning 

DagísPisamban Kapampángan 

Ding ginamit ming retratu, diricdic ming e mi la bandi. Inia sa't ing carapatan careti atiu la caring mica-bandi.