Marsu 2021 : Bulan a macatagulaling cang San Jose Patriarca king kilub ning banuang tagulali king keyang lagiu at cayampunan.

Marsu 2021 : Bulan a macatagulaling cang  San Jose Patriarca king kilub ning  banuang tagulali  king keyang lagiu at cayampunan.

Ibat pa king Calabing anam a siglo ing pamamintacasing Catolico mitagulaling lang macabucud a pamagdevocion bulan-bulan. Uli na ning ing solemnidad nang San Jose mipagmasusian ya king Calabi nang Siam ninh Marso, mitagulaling ya ing bulan a iti caniting maulanh banal, ing ibpa nang talaingat Cristo. "Sucat ding Cristiano, cabang mipaparangal king Nuan a Virgen Maria, miaus malalam a pamagdevocion ampon capanaligan kinh tapat nang Esposo, i San Jose. Mica atin tamung maragul a capanaligan kea anti ning aduan na ning Nuan a Virgen iya mismu." [nganang Papa Leo XIII (Calabing atlu)].

Uliran ne i San Jose ning metung mayap ampon malugud a Ibpa king carangalan, ning metung a tapat ampon malingap a asaua, dapot antimurin ning metung a mapacumbabang talasuyu ning Caburian ning Dios, cabamg tinggap ne ing tungcul anting esposo nang Maria ampon ibpa nang talaingat Jesus king alang capicacunuan ampon pamagduda king tangca ning Dios. Mipagcalam yang maragul a carangalan i San Jose king Capulungang Catolica ampon matula king tungcul ning maragul a ulaga king dacal a panalangin caring capagmasusiang Romano.

Ngening banua pisiag neng Papa Francisco iting banua anting "Banua nang San Jose" cambe na ning Casulatang Apostolicong mipamalagiuanang "Patris corde" (ngana uari: "Cambe ning Pusu ning Ibpa"), paganaca neng Papa Francisco ing Cadinalan na't limang pulung banua ning pangapabal nang anting santong San Jose, antimong Patulunan ning Cabilugang Capulungan. Ban masusi yang apagmasusian iti, pisiag ne iting banuang "Banua nang San Jose" ibat canitang Caualu na ning Bulan ning Diciembre, banuang Aduang pulung dalan aduang pulu angga na king Caualu ya ing Bulan ning Diciembre, banuang Aduang pulung dalan aduang pulu't metung.

Marsu 01, 2021

Binaldug na king Amanung Sisuan

Cirilio Socorro: Sale ning Capasngauan

Ning Barrio Laug, Balen ning Mexico

Para king aguman ning DagísPisamban Kapampángan a midake at micalap para king mialiwang istorya at panalangin ning :

© Ding Mal a Patulunan: Ding Tala'mpun At Talaingat

*Sidia ne ning #DagísPisambánKapampángan