CHRISTUS FACTUS EST:Ing casenayang Filipinu king pamaglibe king "Gloria Patri" cambe na niting panalangin kecaban ning Panaun ning Pamailasa

Magmula neng pagmasusian ngeni ning Capulungan caniting Domingo ning Pamailasa ing pecamapagbikil a panaun ning banua. Kecaban da reting aduang tauling paruminggu painturu king matulang pamagmasusi king Pangasubling Mebie, mipaganacan tamu caniting taimtim a panaun king pamanacap caring mal a larauan caring kecatamung pisamban ampon caring kecatamung pibale-bale.

Antimurin, king Misang Tradicional cayakitan la caring pangalacto o pangalaco ring mapilan a panalangin king mula ning Misa kecaban ding panalangin kinh cabitisan ning Altar king caragdagang Ligaya king Ibpa (ngana uari king amanung Latin: "Gloria Patri).

E ya mitunggen ing Gloria Patri king Misa ampon caring mapilan a dake ning Divinung Casuyuan. King dake na naman ning Divinung Casuyuan, mipatugutan ya caring palibatan kibg Casuyuan bista man misadsad mapilan king Panaun ning Pamailasa caring capupusan ding Dalit. Dapot, magmula king Casuyuan king Amanu ning Jueves Santo misambitla king cabengian ning Miercolez de Espia e ne pa mipasiag bitasa. Ing aldo mepupus ya nung nu ya magsalbat ing Capulungan king Pamailasa na't Camatayan ning Guinu.

Ing metung a cayaliling panalangin mipangadian ya king Rosario, iti tatangad naca tamu king lumbe ning Pamailasa. Metung ya iting malambat nang kesanayan, lacuas na caring Catolicong Filipino, king libayan ya ing Gloria Patri kecaban ning Maleldo cambe ning malumbeng panalangin.

Maralas ing Gloria Patri mipangadian ya caibat nang mipangadian ning metung a sicapulu (ngana uari: decada) ning Rosario.  Cararaptan na iti king kelambatan a panaun at iti maralas ya king Rosario.

Dapot, kecaban ning Maleldo, caring aliuang lugal magmula king Calima nang Domingo ning Cuaresma, mipangadian ya iting calibeng panalangin. Mamie yanh camalinauan iting panalangin king Pamailasa na't Camatayan Jesus at sasaupan nong migunam pang yaimtim ding Catolico king casakitan nang Jesus.

Magmula ya caniting versiculo:

   Cristus factus est pro nobis 

   obidiens usque ad mortem.

   (I Cristo megi yang mapamintu

   para kecatamu angga king camatayan)

Makibat la ring malda:

   Mortem autem crucis.

   (Angga king camatayan king Cruz)

Deting aduang verso matulid lang menibatan cang San Pablo king sulat na king Capulungan carin Filipos, ngana uari: "migpacumbaba ya, meging mapamintu king camatayan, angga king camatayan king cruz." (Lauan ya ing Filipos 2:8)

Kilala ya keti Filipinas iting casanayan, ampon caring Catolicong Filipino laganap king meto yatu.

Malliari yang (bista man e marapat) e tunggen king rosario mu naman. E ya man mipabal a matampang daptan, alinauan ne ing lumbe ning Maleldo ampon meakit yang nacatulid caring cararaptan ning Capulungan, anti na mo uari ning pamaglacto o e pamaniambitla king Gloria ampon Alleluia kecaban ning Cuaresma. Iting casenayan caraniuan ya caring dacal a Catolicong bansa, sucat ya pin naman e tunggen ing Gloria Patri kecaban ning Panaun ning Pamailasa caring kecatamung panalangin, pati na king rosario, cabang panamdaman tamu ing masabsab a lumbe ning Calvario a milalapit na. Malino yang abe caring panalangin ning Capulungan iting panalangin sasaclon ne ing tula king liturgia ning Capulungan, uari na mong milalapit na ing caralumduman king sala.

Marso 20, 2021

Binaldug na king Amanung Sisuan

Cirilio Socorro: Sale ning Capasngauan

Ning Barrio Laug, Balen ning Mexico

Para king aguman ning 

DagísPisamban Kapampángan