San Blas de Sebaste

# QuetiKapampangan

Domingu, Febreru 03 2018 - Capagmasusian king Cafiestan nang San Blas. 

Obispo ampon Martir ning Casalpantayanan. Obispo ning Sebaste, Armenia. Martir king uli nang Gobernador Agricolaus ning Coppadocia iniang banuang 316. Patululunan da ring mequisaquit king acmulan.

Balang Catlu nang Aldo ning Bulan ning Febrero mipapagmasusian ya ing capigaganacan cang San Blas ning Sebaste, obispo, tapamingua ampon martir. Metung ya caring bantug, malapit ampon daralauang banal caring milabas a panaun. Patulunan ya laban king pamanalas batal. "Nuang San Blas, lalbug ya iting angel", iti ya ing peca bantug a panalanging mipapangadian neng milalaco ya inaua ing metung a anac.

Manibat pa iniang minuna, y San Blas ing kikilalanan a

patulunan laban caring sablang salun king acmulan.

Ngening aldo iti, tradiciun na ning Santa Iglesia ing

bendicionan da ring acmulan. Cacabit dang pa-cruz ing aduang candila king batal da ring tau at ngarang sasabi: “King capamilatan nang San Blas a metung a martir, iligtas na ca sa ning Dios king sablang sakit king acmulan at king nanumang carocan."

PANALANGIN NING PAMAMENDISIUN ACMULAN

NENG CAPIGAGANACAN CANG SAN BLAS

Lalam nang pamamilatan San Blas, obispo ampon martir, icabus naca sana ning Dios ibat king sablang capinsanan ampon sakit king acmulan ampon mialiua pa. King lagiu ning Ibpa, + ampon ning Anac, + ampon ning Banal + a Espiritu. Amen.

Sucat yang pangadian iti cambe ring mebendisiung candila napun a micruz king mingatba ning acmulan.

PANALANGIN

O Ibpa ming mayupaya, damdaman mu ing kecaming

panalangin king capamilatan na ning Maligayang San Blas, a Martir ning Casalpantayanan. Ban ing capayapan ampo ing pamicasundu acamtan mi ya aldo-aldo king capamilatan ning Guinu ming JesuCristo, a mabibie at magari cambe at ning Banal a Espiritu, metung mu king panga-Dios mangga man king alang-angga. Amen

(Sabian taya ing kecatamung sariling capagnasan at

ipangadi ing metung Ibpa mi, metung Bapu Maria, metung Gloria)

San Blas. Obispo ampon Martir

¡Ypanalangin Mu Cami!

¡Ora Pro Nobis!

¡Ruego Por Nosotros!

Meangu king mialiwang istorya ibat king

© Ding Mal a Patulunan:

Ding Tala'mpun At Talaingat

Ning Balang Kapampangan

*Sidia ne ning # DagísPisambánKapampángan

Dispu keka tamungan.