Nuestra Señora de la Divina Gracia de Mabalacat

#QuetiKapampangan

MASAYANG FIESTANG CANDELARIA!!!!!

Sabadu,  Ca-02 ning Pebreru 2019 - Capagmasusian king Cafiestan ning Nuestra Señora de la Purificación y Candelaria. Ing Panga-dalise na ning Indung Virgen Maria. Ing pecamatuang devocion king Nuan a Virgen keti king Balen ning Santa Ana.

PANALANGIN KING NUESTRA SEÑORA DE LA PURIFICACIÓN Y CANDELARIA

O Maligaya at Canunuanan a Virgen Maria, Reina na ning Meto-Sicluban at Indu ning Pacalulu, a pinili na ning Ibpa ban maging Indu ning cayang Anac, y JesuCristo, lubus ing kecaming pamagtiua king uagas mung pamaglugud, capayapan ampong caganapan. O mutya ning Divina Gracia ampon pagsacdalan da ring macasalanan, pamatulan at antabayan mu cami king carinan ning kecaming lua. O Mamung Lirio ning Cabanalan, damdaman mu sa ing kecaming cayaduanan ( sabian ing kecatamung capagnasan ). Iti aduan mi king capamilatan ning lugud a pepakit pu iniang dinaun me ing Niño Jesus king templo.

O Nuan a Virgen ning Candelaria, magpasalamat cami king Guinung Jesus, uling mipagcaluban keng Indu a marapat king kecaming sablang pamaglugud. Maging cang pintakasi ning kecang anac y JesuCristo para king sablang gracia a tanggapan king kecaming bie. Bucud king cacung cayaduanan, damdaman mu ing canacung panalangin caring miembro ning kecaming Parroquia, ding pari at ding pamuntuc ning kecaming Pisamban. Dinan meng sala ing dalan keni king yatu para king capayapan at pamicasundu, ampon antabayanan mu ing kecaming bie para king alang-anggang caligayan king banua. Amen

O Mal a Virgen ning Purificacion at Candelaria

¡Ypanalangin Mu Caming Macasalanan!

VIVA LA PURIFICACIÓN Y CANDELARIA!!!!

Nuestra Señora de la Purificación y Candelaria. 

¡Ypanalangin Mu Cami!

¡Ora Pro Nobis!

¡Ruego Por Nosotros!

Meangu king mialiwang istorya ibat king

© Ding Mal a Patulunan:

Ding Tala'mpun At Talaingat 

Ning Balang Kapampangan

*Sidia ne ning #DagísPisambánKapampángan

🤞Dispu keka tamungan.