San Basilio Magno ampon San Gregorio Nacianceno

Ngeni ing Banal a Capulungan pagmasusian ne ing capigaganacan cari San Basilio Magno ampon San Gregorio Nacianceno, Obispos ampon Talapamingua ning Banal a Capulungan. Iti ya ing casiam nang aldo ning panaun ning Capascuan.

Metung yang magaral a biasa i San Basilio, tubu ya king metung a Cristianong familia carin Caesarea, Cappadocia (Turco). Caring mapilan a banua, telukian ne ing panga-monastico kecaban ning bie na. Masicanan neng sinaul ing capaniualang Arian. Mitagulaling ya king Casuyuan anting Episcopo ning Caesarea iñiang banuang 370. Ding mongje ning Capulungan ning Aslagan ngeni misusundu ne pang tatalukian ing tuntunang monastico a keyang tinacda.

Ibat ya naman Cappadocia i San Gregorio. Metung a cacaluguran nang San Basilio, telukian ñia naman ing panga-Monastico king kecaban ning pamibie-bie na caring mapilan a banua. Mitagulaling yang Presbitero ampon iñiang banuang 381 mitagulaling ya anting Episcopo ning Constantinopla. Kecaban ning panaun iñiang ing capaniualang Arian lubus menalacaran. Mayaus yang "Ing Teologo" uli na ning maragul nang beluan ampon talento king oratorio.

Ing Capigaganacan nang San Basilio mipapagmasusian ya neng Ca-14 ning Junio cabang ing Capigaganacan cang San Gregoruo mipapagmasusian ya neng Casiam ning Mayo agpang king 1962 Missal.

Eneru 02, 2021

Binaldug na king Amanung Sisuan

Cirilio Socorro: Sale ning Capasngauan

Ning Barrio Laug, Balen ning Mexico

Para king aguman ning DagísPisamban Kapampángan a midake at micalap para king mialiwang istorya at panalangin ning :

© Ding Mal a Patulunan: Ding Tala'mpun At Talaingat

*Sidia ne ning #DagísPisambánKapampángan