Pamipasiag king Aldo ning Pangasubling Mebie neng Solemnidad ning PamipaPamipasiag ning Guinu.

20+C+M+B+21

King acasanayan na, ing Pamipasaig king Domingo ning Pangasubling Mebie ampon ding Cafiestang Mitatacda mararapat ya neng Epifañia cambe ring aliuang pamamendisiuan, anti ring Calendario, Tiza, Incenso ampon Danum. Mipapaganaca kecatamu ing laganap nang pamag-aring Cristo keti sulip, king pati ring Gentil kilalanan ing panga-Ari na king bista't bingut ya man. Gaganacan ta ya naman ngening aldo ing Ari ding sablang panaun lalam ning keyang capanibalan.

Ikit mi ya ing batuin king aslagan,

King salang mipnung camasalan,

Layun keng minta keni malaus,

Ban samba king Dios a tibubus.