Nuestro Padre Jesús Nazareno

" Ica ing kecaming sicanan, Icang kekeng capanayan. Ing uyab ning kecang lugud mu 

yang idala na sa king kecaban ning bie mi."

VIVA NUESTRO PADRE JESÚS NAZARENO

"Sicnangan yu ing lub yu! Acu ini y Jesus! 

  E cayu mangatacutan" - Mateo 14:27

Sadadu • Eneru 09, 2021 -

Capagmasusian ning Cafiestan ning Nuestro Padre Jesús Nazareno. Ing Ari ning Distritu ning Quiapo. Ing Patulunan ning Pambansang Dambana ning Nuestro Padre Jesús Nazareno king Parroquia nang San Juan Bautista at ning mabilug a Distritu ning Quiapo, Ciudad ning Menila.

Makisanmetung ya ing Lalauiagang Capampángan king capagmasusian ning Ciudad ning Menila at mabilug a Filipinas king Cafiestan ning Nuestro Padre Jesús Nazareno!

PANALAÑGIN CANG NUESTRO PADRE JESUS NAZARENO

O cayumuyumuan a Jesús Nazareno, cacung Dios ampon Talapanatbus, a meglacbe qñg dalan papunta qñg Calvario cabang pupusanan me ing Cruz a nung nucarin ca mipacu: balicdan mu cung macasalanan a ñgeni mamieng capurian qñg quécang pamagsacrificiu. Pasalamatan da ca mu naman uli ning pamagligtas mu quécami qñg capamilatan ning quécang mayumung pamananggap ning casaquitan qñg Cruz. 

Patauaran mu cu caring cacung casalanan, O Mayap a Jesús. Quiquilalanan que ing metung cu mung maina at pagcatiuala cu qñg alang angga mung pacalalu, uasan mu la qñg capamilatan ning quécang daya ding cacung casalanan. Caluguran daca babo da ring sabla, at mañgacu cung maguing tapat caring quecang cautusan angga qñg oras ning canacung camatayan.

Mantabe ca sana parati canacu O Guinu, at antabayanan mu cu qñg dalan ning bie ban canita, asadsad que angga qñg capupusan ning canacung macayatung pamaglacbe painturu qñg cayarian ning banua. A M E N

(Sabian taya ing quecatamung sariling capagnasan at ipañgadi ing metung Ibpa mi, metung Bapu Maria, metung Gloria)

Nuestro Padre Jesús Nazareno

¡Pacaluluan Mu Cami!

¡Miserere Nobis!

¡Ten Piedad de Nosotros!

Meangu king mialiwang istorya ibat king

© Ding Mal a Patulunan:

Ding Tala'mpun At Talaingat 

Ning Balang Kapampangan

*Sidia ne ning #DagísPisambánKapampángan

Dispû Kecatamungan!

Photo credits 📷 📸© to

John Andrew M. Ocampo

Fotografía SuánDalís

and in group partnership with

DagísPisambánKapampángan