Nuestra Señora de la Soterraña de Bangcal, Guagua

#QuetiKapampangan

MASAYANG FIESTANG DAGÍSPISAMBÁN!!!

MIERCULIS ◎ Eneru 01 2019 - Capagmasusian ning Cafiestan ning Nuestra Señora de la Soterraña king Barrio Bangcal, Balen Guagua. Pagmasusian ya ing keyang cafiestan balang pamagmasusi ning Solemnidad nang Maria, ing Indu ning Dios. Metung caring Dogma ning Virgen Maria. Meapoyo king Consejo ning Efeso banuang 431. Octava ning Pascung Kebaitan ning Dios.

PANALANGIN PARA KING CAFIESTAN NANG MARIA, ING INDU NING DIOS

O Ibpa, ica ing panibatan na ning Sala king kecaban a panaun! Ing Virgen a kinagli at meningat king kecang Bugtung a Anac, a mayayaus Macapagmulalang Dios, ing Principe ning Capayapan. Mananu na sanang ing panalangin ning Nuan a Virgen Maria, ing Calam na ning cayang maca-indung Lugud, maging yang tula na ning sabla king alang capupusan a panaun. Mananu na sanang iting cayang pakibat, a mibait mitmung cababan a lub, idala na ing kecang Espiritu ban miratun la king kecaming pusu. Iti ngan aduan king capamilatab nang JesuCristong Guinu mi. Amen

(Sabian taya ing sarili tamung capagnasan at ipangadi ing metung a Ibpa Mi, Atlung Bapu Maria, at metung a Ligaya)

VIVA LA VIRGEN!!!

Nuestra Señora de la Soterraña, Madre de Dios

¡Ypanalangin mu Cami!

¡Ora Pro Nobis!

¡Ruego Por Nosotros!

Dispu keka tamungan.

Meangu king mialiwang istorya ibat king

© Ding Mal a Patulunan:

Ding Tala'mpun At Talaingat 

Ning Balang Kapampangan

*Sidia ne ning #DagísPisambánKapampángan

📸©John Andrew M. Ocampo

Fotografía SuánDalís

DagísPisambánKapampángan