Devotion to Señor Santo Niño
ING CAFIESTAN NING GUINUNG SANTO NIÑO
NING CIUDAD NING CEBU
Ca-17 ning Enero
Ing devocion king Santo Niño (Banal a Anac) iyang peca matua ampon metung caring peca kilala keti Filipinas. Para caring dacal a Pilipinong Catolico, ing Santo Niño paganaca ne ing Dios a adalungan ding dacal ampon alapitang alang tacut. (Cf. G. Diwa, Paniaup king Liturgia ding Oras para caring Diocesis ning Filipinas).
Laganap yang tutu ing devocion king Santo Niño e mu keti Filipinas, nune pati caring miayaliuang dake ning yatu - carin Españia, Mexico, ampon Peru. Carin Mexico ing peca bantug a pamansag caniti, iya ing Santo Niño de Atocha. Carin Roma, iya ing Sto. Bambino di Ara Coeli. Carin Czech mitalacad ya ing metung a Dambanang bantug para king Niño Jesus ning Fraga.
PANALANGIN
O Mapagmalang Santo Niño,
sisiclaud ke arapan ning macamal mung larauan,
aduan ming malugud mu la sanang balicdan
ding pusu ming balisa.
Caring panalangin mi damdam ya sana
ing malambis mung lugud a mipnung pacalulu
at ipagcalam mu ing graciang kecaming aduan.
Ilaut mu cami king casakitang e apibatan
ampon king calungcutan.
Uli ning cacamal-camalan mung cayanacan
pakiramdaman mu la ring panalangin mi
ampon atdanan mu caming casngauan
ampon capaldanan ba' racang asamban
cambe ning Ibpa ampon ning Banal a Espiritu
mangga man king alang angga. Amen.
Guinung Niño Jesus,
Tanggapan mu ing panalangin mi!
PANALANGIN KING GUINUNG SANTO NIÑO
O Banal a Niño,
Ngamu kecami: "maniauad cayu at tanggap cayu,
manintun cayu at manakit cayu,
catuc cayu at malaus ra cayung paluban,"
ipanigapu ming ibie mu kecami
ing calam ning divinu mung lugud,
ba' racang aluguran daca king mabilug a pusu,
king amanu ampon dapat,
ampon ala raca sanang patnang purian
O Guinu,
papalliarian mu caming tumacut capilan man
ampon lugud king Cabanal-banalan mung Lagiu,
pablasang ala mu lang cupas panibalan
ding matibe mung telacad king kecang lugud;
capamilatan nang Cristong Guinu mi. Amen.
O Guinu ming Santo Niño,
Tanggapan mu ing panalangin mi!
PANALANGIN KING GUINUNG SANTO NIÑO
O Banal a Niño,
Ngamu kecami: "maniauad cayu at tanggap cayu,
manintun cayu at manakit cayu,
catuc cayu at malaus ra cayung paluban,"
ipanigapu ming ibie mu kecami
ing calam ning divinu mung lugud,
ba' racang aluguran daca king mabilug a pusu,
king amanu ampon dapat,
ampon ala raca sanang patnang purian
O Guinu,
papalliarian mu caming tumacut capilan man
ampon lugud king Cabanal-banalan mung Lagiu,
pablasang ala mu lang cupas panibalan
ding matibe mung telacad king kecang lugud;
capamilatan nang Cristong Guinu mi. Amen.
O Guinu ming Santo Niño,
Tanggapan mu ing panalangin mi!
Eneru 17, 2021
Binaldug na king Amanung Sisuan
Cirilio Socorro: Sale ning Capasngauan
Ning Barrio Laug, Balen ning Mexico
Para king aguman ning DagísPisamban Kapampángan a midake at micalap para king mialiwang istorya at panalangin ning :
© Ding Mal a Patulunan: Ding Tala'mpun At Talaingat
*Sidia ne ning #DagísPisambánKapampángan
Comments
Post a Comment