Cagalayan King Guinung Jesus Nazareno

CAGALAYAN KING GUINUNG JESUS NAZARENO

Guinung Jesus Nazareno,

O Macamal ming Maestro:

Uli ning pamailasa mu,

Icabus mu caming tau.

Kecaban ning lecaran mu,

Dusa't pait acatabnu,

King ban mu keng icabus,

King Dios ibalic keng lubus.

Keralan-dalan mung sakit,

Pigugunaman ming pilit:

Uli ning pamailasa mu,

Icabus mu caming tau.

Ala ca ping casalanan,

O't icang miparsalanan?

Sucat mu ping pigmatampan,

Midaun king camatayan.

Tutu cang migpacumbaba,

King tau mekisaut pa:

Uli ning pamailasa mu,

Icabus mu caming tau.

Mepaltus la ping bitis mu,

Dayang pauas yang tinulu,

Lacua pin penamdaman mu,

Ing sicuil da kang catotu.

Tutu keng macasalanan,

Mangapnu king capanisian:

Uli ning pamailasa mu,

Icabus mu caming tau.

King camatayan mung sicuan,

Binie mu ing caligtasan,

Mebie ca pung pasibayu,

Capanayan pigcalub mu.

Layun keng keca sasamba,

Icang Bungsu nang Maria:

Uli ning pamailasa mu,

Icabus mu caming tau.

Indu mu lubus melumbe,

King lasa mu mekirake,

King pamaniubli mung mebie,

Ing tula keya mu binie.

Bista't micasala cami,

King yatu tubud mu cami:

Uli ning pamailasa mu,

Icabus mu caming tau.

Guinung Jesus Nazareno,

Dusa mu carin Calvario,

Layun mi yang parangalan,

Ing sibul ning caligtasan.

ANTIFONA:

I Cristo megi yang mapamintu 

para kecatamu angga na 

king tinggap na ing camatayan.

- Angga king camatayan king metung a Cruz.

PANALANGIN

O Dios a Ibpa mi, king capamintuan keca,

tinggap ning Bugtung mung Anac ing camatayan 

king Cruz para king caligtasan ning ketauan.

Parangalan mi ya ing Misterio ning Cruz keti sulip.

Camtan mi ne man sana banua 

ing calam ning caligtasan.

Iti aduan mi keca, O Dios,

king capamilatan ning Guinu ming 

JesuCristong Anac mu,

aabibie ampon mag-ari cambe mu,

king cametungan ning Banal a Espiritu,

mangga man king alang angga. Amen.

Nuestro Padre Jesús Nazareno

¡Pacaluluan Mu Cami!

¡Miserere Nobis!

¡Ten Piedad de Nosotros!

(Cf. Pamuclat a Panalangin 

ning Cafiestan ning Tagumpe ning Banal a Cruz)

Eneru 09, 2021

Binaldug na king Amanung Sisuan

Cirilio Socorro: Sale ning Capasngauan

Ning Barrio Laug, Balen ning Mexico

Para king aguman ning DagísPisamban Kapampángan a midake at micalap para king mialiwang istorya at panalangin ning :

© Ding Mal a Patulunan: Ding Tala'mpun At Talaingat

*Sidia ne ning #DagísPisambánKapampángan

Dispû Kecatamungan!

Photo credits 📷 📸© to

John Andrew M. Ocampo

Fotografía SuánDalís

and in group partnership with

DagísPisambánKapampángan