Santiago Apóstol de Betis

Capagmasusian ning Cafiestan ning Pangadala ning Banal a Reliquias nang Santiago Mayor Apóstol manibat king Jerusalem painturu king Bansang España balang Diciembri 30. 

Ing anac nang Zebedeo at Maria Salomé at capatad nang San Juan Evangelista at Apóstol.Deti pemalagiuan nong Boanerges, ngana uari, " Anac ning Duldul". I ya ing  minunang diling Apóstol ning Guinu tamung y JesuCristo tinanggap king Corona ning Martirio.  Pepatabtan ne batal ning Aring Herodes Agripa king Jerusalém canitang bandang 44 A.D. 

Ing Maligayang Patulunan ning Balen ning Betis.

🎶🎼Herru Sanctiagu, Grot Sanctiagu,

E ultreja e sus eja! Deus adjuva nos!🎼🎶

"Pialimbauanan king matapang a pamakipamuc at pamamingua king Casalpantayanan Catolico."

Panalangin anting Parangal cang Santiago Apostol. Patulunan ding sablang Mandukit.

Uli ning tanda* ning Santa Cruz caring masama kekami * icabus mu cami, * Guinu ming Dios. 

King lagiu ning Ibpa, ampon ning Anac* ampon ning Espiritu Santo. Amen.

O Dakilang Apostol Santiago, malapit a camag-anac ning Guinu, at igit pang malapit caya king ispiritual a paralan. Nuan a alagad uling metung ca caring minunang pinili na ban maging keiang alagad! Nuan ca uling ica ing minunang Apostol a minalduc king copa pauli na! Na eme pigcait y Jesus antabat capalit na nini, camatayan. 

O Nuan a Santiago! Pepakit mu ing talapagtanggul naca ning Santa Iglesia, at sinaupan mu la ding Cristianos king Gierra da laban caring Moru ban masambut at micawacauani la ding  calaban ning Cruz. Idala mo pu ring Talasalpantayang milalaco pag-asa king dalan ning tagumpe. Lacas ding Cristiano, lingapan mu ke pu laban caring sacunang liligid kecami.

Yanasang king capamilatan mu, pagcalub na ning Dios ing keiang Banal a Lugud, tacut king Dios, justicia, at capayapan. Mangga man king alang-angga. Amen

(Sabian taya ing sarili tamung capagnasan at ipangadi ing metung a Ibpa mi, metung a Bapu Maria, at Metung a Ligaya)

Santiago  Mayor. 

Apostol ampon Martir. 

Ipanalangin mu Cami!

Patulunan ning Parroquia nang Santiago Apóstol ning dating Balen ning Betis

🤞Dispu keka tamungan.

Dacal a salamat cang:

Kurt Clarence Cortez Gozum

ning Barrio San Juan Nepomuceno, Balen ning Betis para king DagísPisamban Kapampángan a midake para king mialiwang istorya at panalangin a  micalap © Ding Mal a Patulunan: Ding Tala'mpun At Talaingat 

Ning Balang Kapampangan