San Juan Evangelista at Apóstol

Capagmasusian ning Cafiestan nang San Juan Evangelista balang ca27 ning Diciembri.  Ing metung caring labingaduang  Apóstol ning Guinutamung JesuCristo ampon metung caring apat a Evangelista da ring libru ning Evangelio . 

Ing pecamatalic nang cacaluguran ning Guinu tamung JesuCristo. Ing meniñgat qñg Indung Virgen María iniang pepaitas ya banua y JesuCristo. Banal a sacsi qñg bie delanan ning Guinu tamung JesuCristo. Patulunan ding sablang micacaluguran. 

Panalañgin cang San Juan Evangelista. Ing Patulunan da ring Sablang Micacaluguran.

O Maligayang San Juan! Apóstol ampon Evangelista. Ica a magningning qñg capamilatan na ning ganap a sala. Queca ya mipasiag ing nuan a catutuan ibat qñg banua. Queca ya mipasiag ing pamaquilaban na ning Iglesia ning Dios laban caring sablang maroc. Pagcalub mu quecami O Malugud a San Juan, icang banal ampon malinis, ing gracia ban caming mabie a parating tapat qñg Santa Igleska, bilang metung a tuneng anac na ning Dios, at macapamie mu naman a ating catapatan qñg pamaniuyu para qñg icaliligaya ning Dios, para qñg lugud nang JesuCristo at para qñg icacacayap na ning meto-quetauan. A M E N

(Sabian taya ing quecatamung sariling capagnasan at ipañgadi ing metung a Ibpa mi,

metung Bapu María, metung a Gloria)

San Juan Evangelista. Apóstol ampon Evangelista. Capatad nang Santiago Apóstol Mayor. 

Ipanalañgin Mu Cami!

Meangu king mialiwang istorya ibat king

© Ding Mal a Patulunan:

Ding Tala'mpun At Talaingat 

Ning Balang Kapampangan

*Sidia ne ning #DagísPisambánKapampángan

Dispû Quecatamuñgan!