Sagrada Familia

Pascúng Máyap Ning Dispû

Capagmasusian ning Cafiestan ning Sagrada Familia o ing Banal a Mianac da ri y Jesus, Maria at Jose. Ing maulang aldo balang Domingu king kilub ning Octava ning Pascung Quebatian o king libutad ning Diciembri 25 at Eneru 01. 

Nung ing aldo ning Pascu at ing Solemnidad Maria : Indu ning Dios miras ya king aldo Domingo, ing cafiestan niti mitalaga ya king Deciembri 30.

PANALANGIN

O Guinu, ngening banal a panaun na ning pamanalangin at pamagcanta ampo ning pamagsaya, pupurian da ca caring sablang macapagmulalang bage a depatan mu kecami: ing maslag a batuin at ing canta da ring angeles, ing kiyac ning anac king lalabangan. Pupurian da ca mu naman uli na ning Amanu a micatauan tau king metung a Anac. Ikit mi ya ing cayang caligayan, a mandilu king cayang caningningan.

Mantabe ya sana kecami cabang cacanta mi ya ing ironías ning Pascu, ding ali mi aintindian, ding tula a meging masakit a catutuan. Sisiclaud cami king mal mung arapan, ding pastul, posaderos, at ding taung mangabiasa. Saupan mu keng palabungan pa lalu ding kecaming sarili. Amen

(Sabian taya ing sarili tamung capagnasan at ipangadi ing metung a Ibpa Mi, atlung Bapu Maria, metung a Ligaya)

Sagrada Familia.  Y Jesus, Maria at Jose.

Modelo ning Cristianong Familia.

Ipanalangin mu kami!

Dispu Kecatamungan!

📸©John Andrew M. Ocampo

Fotografía SuánDalís

DagísPisambánKapampángan