Sagrada Familia

Pascúng Máyap Ning Dispû

Capagmasusian ning Cafiestan ning Sagrada Familia o ing Banal a Mianac da ri y Jesus, Maria at Jose. Ing maulang aldo balang Domingu king kilub ning Octava ning Pascung Quebatian o king libutad ning Diciembri 25 at Eneru 01. 

Nung ing aldo ning Pascu at ing Solemnidad Maria : Indu ning Dios miras ya king aldo Domingo, ing cafiestan niti mitalaga ya king Deciembri 30.

Panalangin king Banal a Familia 

nang Papa Francisco

Jesus, Maria at Jose,

sasantung ke kecayu:

O ligaya ning tuneng lugud,

Manalig cami kecayu.

O Banal a Familia ning Nazaret,

ipagcalam yung magi lang pagmulan na ning pamicacalugud ampon panalangin, maslag a pipagaralan ning Mayap a Balita,  ampon malating pisamban ding familia.

O Banal a Familia ning Nazaret,

e ra sa capilan man aranasan ding familia ing pamaglupig, pangapaimburisan, ampon pamicacauani: ding sablang migcacasakit akit ra sa ing casnaguan ampon capaldanan.

O Banal a Familia ning Nazaret,

king pamaglapit king Capulungan ding Obispo gauan na caming pasibayung mapigaganaca king cabanalan ampon casacdalan ding familia, ampon ing leguan na king tangca na ning Dios.

Jesus, Maria at Jose

Ing modelo ning Cristianong familia

Pacapakiramdaman yu ing panalangin mi.

*Oracion, 29 Deciembre 2013

Ciudad ning Vaticano

MÁYAP A PASCÚNG QUEBAÍTAN 

NING DIOS PÛ

• May the Blessing of God's Paschal Birth be Upon You

Binaldug na king Amanung Sisuan

Cirilio Socorro: Sale ning Capasngauan

Ning Barrio Laug, Balen ning Mexico

Para king DagísPisamban Kapampángan 

Diciembri 27, 2020