Los Niños Innocentes

Capagmasusian ning Cafiestan ning Los Niños Inocentes balang ca28 ning Diciembri.  Ding Mumunang Martir ning Banal Capulungan.

Caniting capagmasusian gaganacan tamu ing pangapate ra ding bingut at anac a lalaqui makiedad aduang banua pababa lalam ning cautusan nang Herodes ing Ari ning Judea, ban layung paslangan ne ing mibalita cayang Mesias. Agpang caring tala, meganap ing anti caniting macarimarim a capaliarian aduang banua caibat deng atagpuan ring Atlung Magu ing Tala ning Bethlehem. Aniang ayalac nang linocu re ring Atlung Magu at ere tiru caya ing ustung carinan ning Mesias, inutus na ing papate no ring anac a lalaqui alang camalit-malit.

Pamamasang ibat qng Mayap a Balita

agpang cang San Mateo 02: 16-18

Micasbu ya i Herodes iniang aquilala nang mebihira ya caretamg taung pantas. Inia pepate no ngan ding anac a lalaki carin Belen at caring lugal a macapadurut carin, ding sablang anac a tidua nang banua o mababa king adua nang banua tua, agpang quetang tantiang icua nang ausisa caretang taung pantas.  

Canita la metupad detang amanung mipasiag capamilatan ning Profeta Jeremias:

"Meramdm ya ing siuala carin Rama,

ngungulangul at maniambitan ya pin i Raquel,

tatangisan no ring queang anac,

e ya bisang mayaplac uling mengamate la ngan."

Pamigunam

Ding Banal a Niñong Martir mapilan la caring mitataid a capalliarian anti king pangapatugut a palipi ampon pamaglaglag. Dapot bista man metung ya mu pin, gaganacan taya ing maragul nang calam a pepanucnangan ning Dios king yatu -iya ing tau, milayunan king alang angga, at mipanuanan king camatayan na ampon pangasubli nang mie Jesus.

Dispu keka tamungan.