Cafiestan ning Pangadala ning Banal a Reliquias nang Santiago Mayor Apóstol

Capagmasusian ning Cafiestan ning Pangadala ning Banal a Reliquias nang Santiago Mayor Apóstol manibat king Jerusalem painturu king Bansang España balang Diciembri 30. 

Ing anac nang Zebedeo at Maria Salomé at capatad nang San Juan Evangelista at Apóstol.Deti pemalagiuan nong Boanerges, ngana uari, " Anac ning Duldul". I ya ing  minunang diling Apóstol ning Guinu tamung y JesuCristo tinanggap king Corona ning Martirio.  Pepatabtan ne batal ning Aring Herodes Agripa king Jerusalém canitang bandang 44 A.D. 

Ing Maligayang Patulunan ning Balen ning Betis.

Agpang king almat, ing catauan na, cambe ring keyang talatuki, miglayag la Peninsula Iberica king metung a barcung alang layag. Casaca ra king dane amianan nang albugan ning bebe ning peninsula sinulung la king Ilug Ulla painturu king gabun carin Iria Flavia, (ngening ausan dang Padron). 

Ing Celticong Reina Lupia iyang sasacup careting gabun, at iñiang kitang da ring talatuki nang Santiago nung malliari reng icutcut ing keyang catauan e ya migpaintulut at mitubud yang sundalung lumusub carela. Cabang tatagalan da la ring talatuki nang Santiago cambe ning keyang catauan king sumangid ning tete metibag ya iti, saca la mete ring sundalus.

Mig-ibayu ya i Reina Lupia king Cristianismo at miyabie yang vaca ampon gareta para caring talatuki nang Santiago ban alipat de ing keyang catauan. King cayalang casiguraduang nu re icutcut ing macamal nang catauan, menalangin la caniti ring keyang talatuki at miburianang sumulung la ring vaca angga king memili yang lugal pipainauan. 

Caibat nang tinucnang ning vaca king sapa malaus yang mipainaua lalam ning robleng tanaman king babo ning metung a talimunduc at carin ya ngeni pacatalacad ing Catedral nang Santiago.

Santiago Apóstol Mayor. Apóstol ampon Mártir . Patulunan ning Matuang Balen ning Betis.

Ipanalañgin mu Cami!

Diciembri 30, 2020

Binaldug na king Amanung Sisuan

Cirilio Socorro: Sale ning Capasngauan

Ning Barrio Laug, Balen ning Mexico

Para king DagísPisamban Kapampángan 

A midake para king mialiwang istorya at panalangin a  micalap © Ding Mal a Patulunan: Ding Tala'mpun At Talaingat 

Ning Balang Kapampangan